عادت الفنانة شيرين عبد الوهاب لتثير الجدل من جديد على مواقع التواصل الاجتماعي، بعدما تساءل معجبيها: أين اختفت؟

اختفاء شيرين عبد الوهاب

صرح المحامي الخاص للمطربة المصرية، حسام لطفي، أنها تأخرت في الالتزام بتسليم الألبوم الغنائي لشركة روتانا حسب البنود المنصوص عليها في العقد.

وقال، إن شيرين عبد الوهاب أنهت عدد من الأغاني وتم استغلالها على شبكة الإنترنت، ولا علاقة لها بذلك.

وأكد والد الفنان حسام حبيب زوج شيرين عبد الوهاب، إنه لا يعلم عنها شيئا، خاصة وأنه لا يتواصل معهم.

اختفاء شيرين عبد الوهاب

وكان آخر منشور للفنانة شيرين عبد الوهاب عبر حسابها الخاص بموقع تبادل الصور “إنستجرام”: “جمهور الحبيب بالكويت، لقاؤنا يتجدد بتاريه 12 يناري في قاعة الأرينا 360، وسنة سعيدة عليكم”.

أقرأ أيضاً

“عائلتها لا تعلم عنها شيئًا”.. ما سر اختفاء شيرين عبد الوهاب؟

 الفنانة شيرين عبد الوهاب أكدت عودتها للفنان حسام حبيب مرة أخرى، وذلك بعد عقد قرانها وسط أفراد المقربين من العائلة، وذلك حسب مداخلتها الهاتفية مع الإعلامي عمرو أديب ببرنامج “الحكاية” المذاع على شاشة “إم بي سي مصر”
نصر جميع تصريحات شيرين:

شيرين عبد الوهاب أكدت عودتها للفنان حسام حبيب

– لسه بحب حسام حبيب، لإن هو حب حياتي
– وأنا في أمان طالما أنا وسط الناس اللي هم ضهري وسندي
– أنا شفت أيام صعبة في المستشفى لأني تاخدت على خوانة
– تنازلت على كل القضايا ضد أخويا وسامحته
– أنا بقيت كويسة لكن لسه بخضع للعلاج النفسي اللي بخضع له من أول ما خلفت بناتي
– حسام حبيب هو اللي فاجئني وأقنعني بكتب الكتاب قولتله اللي تشوفه يا سي حسام
– أنا هنزل الفترة الجاية وهاكل في أي مكان فول وطعمية وهتبسط
– هقفل بابي عليا أنا وحسام ومش هخلي حياتي على المشاع لكل الناس

شيرين عبد الوهاب أكدت عودتها للفنان حسام حبيب

– أنا زي أي ست مصرية بحط جوزي فوق راسي
– غلطت لكن هقفل على حياتي الخاصة الفترة الجاية
– أنا زي أي بنت طالعة من أي بيت مصري ومتربية على عادات وتقاليد
– نضال الأحمدية أول من هنأني بزواجي على حسام حبيب
– نضال مكانتش تعرف حاجة ودعت لحسام ودعت لنا لما عرفت الحقيقة
– قولت لنفسي في المستشفى أني بخير وهتبسط بالأيام طالما أنا وسط ناس بيحبوني
– خلصت علاجي وبقيت كويسة خالص وزي الفل.

أوضحت شيرين عبد الوهاب أن حسام حبيب فاجئها بوجود المأذون لعقد قرانهما وأقنعها بذلك.

شيرين عبد الوهاب 

قالت في مداخلة هاتفية مع برنامج “الحكاية”: ” والله بقى يعني خدناه، احنا تعرضنا لضغوطات، كان بيتقال أنا موجودة فين، وعنواني كل يوم الصبح بيكون موجود في أي مكان، احنا هننزل دلوقتي نروح أي مكان ناكل بقى، نديها، وناكل في أحسن أماكن في الدنيا، وننزل فول وطعمية وسط الناس، وننبسط، أحنا مستاهلش غير إني أعيش وسط الناس، وهو اللي اقنعني صراحة، إحنا كنا ناويين نعمل ده يوم السبت”.

وتابعت: “فجأة لقيته داخل عليا إمبارح، لقيته بيقولي بقولك إيه، احنا هنعمل كده دلوقتي، قولتله خلاص اللي تشوفه يا سي حسام، أنا عايز بشكر ياسر قنطوش والإعلامية نضال الأحمدية، لإني هي الصبح سمعنا إن باركت لنا وبعتتلنا ورد على البيت وكمان احتفظت بالسر لحد ما أنا أقوله، وهي كانت أقد إيه معانا أم وست كبيرة، وهي مكانتش تعرف حاجة، ولما قعدت وسمعت اتبسطت، ودعت لنا، ودعت لحسام، وقالت له إن هي زعلانة على اللي حصل، وسوء التفاهم، واللي يعرف حسام، مش عايزة أقول كلام، أن هي بتودينا وتجيبنا، هي لما بتزعل بتخلينا نصدق أن هو وحش ، والله العظيم أنا زي بنت خارجة من بيت في مصر، متربية على عادات وتقاليد، بغلط آه، بس لما بحب بحب في العلن، وبحط جوزي على راسي، ولما بزعل كمان بقولكوا، سامحوني بعد كده أمور بيتي هتكون في البيت، وبشكر كل الناس”.

أقرأ أيضًا

شيرين عبد الوهاب: “أنا وحسام كان معمول لنا شبه عمل وكنا ضحية حاجة كبيرة”

أعلنت الفنانة شيرين عبد الوهاب تفاصيل عودتها للفنان حسام حبيب مرة أخرى، وذلك في مداخلة هاتفية لبرنامج “الحكاية”.

شيرين عبد الوهاب

قالت: “أنا انهارده عايزة أقفل صفحة حياتي الخاصة مع الناس، لإن الحقيقة أنا كنت السبب في أن حياتي تفتحت عليهم، وتفتحت لهم، والحقيقة الناس انشغلوا بيا وسط مشاكلهم الكتير قوي، عايزه أطمنهم عليهم، وأقولهم، أنا في عصمة راجل طيب جدا، وحبيب من البداية، ولو كنت طلعت في يوم من الأيام، قولت كلام عنه كان هو مزعلني منه، أو كلام، ده شيطان بيحصل بين أي اتنين متجوزين، واحنا كان معمولنا حاجة كبيرة قوي، وإحنا كنا ضحية حاجة كبيرة قوي، والحمد لله ربنا فكها بسلام”.

وأضافت: ” ولو على العمل، الكلام ده مقدرش اتكلم فيه، لكن هي حاجة شبه كده، لإن أنا أصغر إني اتكلم في الحاجات دي، لكن هي ذكرت في القرآن، وإحنا مش معصومين من الغلط، وأنا غلطت، لما تكلمت بصوت عالي، بس أنا ده، أنا دي، أنا شيرين، اللي هي تربيتكم، اللي طالعة من كل بيت مصري، أنا غلطانة طبعا إن أنا عملت ده في العلن، بس في الحقيقة كل حاجة كانت في العلن، أنا زعلي كان في العلن، وحبي كان في العلن، وكتب كتابي الأولاني كان فيا العلن، وكل حياتي هتبقى في العلن، أنا مستاهلش إن أنا أعيش في ضلمة، أو أعيش خايفة عشان أي حاجة”.

أقرأ أيضًا

“خدوني على خوانة” كيف قضت شيرين أيامها في المستشفى؟

شيرين عبد الوهاب وجهت تهما أمام النيابة العامة لشقيقها محمد عبد الوهاب وفقا لما رأته من وقائع ارتكبها في حقها خلال الأيام الماضية.

وأصدر ياسر قنطوش، محامي “شيرين” بيانا عبر صفحته الرسمية الخاصة، يؤكد فيه أن “شيرين” وجهت لشقيقتها اتهامات صريحة، في عدة وقائع، وهي أنه ضربها وسحلها باستخدام سلاح لارهابها وترويعها بمساعدة مجموعة من أصدقائه، وهو ما ثبت في تحقيقات النيابة العامة.

ووفقا لـ “قنطوش” وجهت “عبد الوهاب” اتهاما صريحا لشقيقها بالسب والقذف في المداخلة الهاتفية التي أجرها لبرنامج “الحكاية” مع الإعلامي عمرو أديب.

 شيرين عبد الوهاب تقاضي شقيقها

وأشار محامي “شيرين”، إلى أنها ستقاضي أي شخص أساء لشخصها أو لسمعتها خلال الأيام الماضية.

وجاء في البيان، أنها تثق في القضاء المصري في استعادة حقوقها وكشف المؤامرة التي تعرضت لها مؤخرًا تحت ذرعية صلة الدم والأخوة من شقيقها.

وتثبت “شيرين” الوقائع التي ارتكبت في حقها بالتقارير الطبية المثبتة في تقارير النيابة العامة.

وتتفرع خلال الفترة المقبلة لإدارة أعمالها وشئونها الفنية، بعد خروجها من المستشفى واتمام علاجها لمدة 20 يوما، حيث غادرت المستشفى رفقة ياسر قنطوش متوجهة لمنزلها.

وأوضح “قنطوش” أن “شيرين” أنهت عمل مدير أعمالها السابق ميمي فؤاد، لتقاعسه عن تأدية الدور المنوط به خلال الفترات السابقة.

وأكد أنها تعرضت لمؤامرة من شقيقها محمد عبد الوهاب وأطراف أخرى.

شيرين

شيرين عبد الوهاب تتهم شقيقها بالاعتداء عليها والسب والقذف

يذكر أن محمد عبد الوهاب شقيق الفنانة شيرين عبد الوهاب، قال في مداخلة هاتفية مع الإعلامي عمرو أديب في برنامج “الحكاية”، أن شقيقته “شيرين” كانت تتعاطى المخدرات رفقة طليقها حسام حبيب في شقة استأجرتها لهذا الغرض.

وأودعها المستشفى رغما عنها بدافع الأخوة، وبطلب من والدته التي استنجدت به في إنقاذها.

وشهدت والدة شيرين مؤكدة رواية ابنها، حيث أكدت، أن “شيرين” كانت تتعاطى المخدرات مع حسام حبيب لمدة 3 أيام، لذا طلبت التدخل من “محمد” لإنقاذها، وهو ما دفعه لإجبارها ونقلها عنوة للمستشفى لعلاجها.

ونقلت شيرين للمستشفى، حيث قضت 20 يوما للعلاج.

وأكد عمرو أديب، أنه جمعته مكالمة هاتفية مع شيرين، أكدت له أنها بصحة جيدة، وتتعافى للعودة من جديد لتقديم حفلات غنائية، ونقت الصورة المتداولة التي تظهر فيها مع حسام حبيب في سيارة.

اقرأ أيضًا: 

• شيرين في تسجيل صوتي من داخل المستشفى “طلعوني من هنا”.. للقراءة اضغط هنا
• الزلزال وبحر البقر.. أزمات في حياة شيرين.. للقراءة اضغط هنا
• 34 تصريح لشيرين عن علاقتها بحسام حبيب.. للقراءة اضغط هنا

نشر “et[بالعربي” تسجيل صوتي للفنانة شيرين عبد الوهاب تؤكد فيه تعافيها وتحسن حالتها الصحية، وطالبت محاميها الخاص ياسر قنطوش، بضرورة اتخاذ الإجراءات القانونية لخروجها من المستشفى.

شيرين عبد الوهاب

وقالت شيرين عبد الوهاب: “مساء الخير، أستاذ ياسر، من فضلك تعمل أي حاجة عشان تخرجني من المستشفى، لإنهم مضوني على ورق، أنا مش عارفة ورق إيه ده؟، أنا عايزه أخرج من المستشفى، أنا الحمد لله بقيت كويسة، وكملت علاجي، أنا بقالي 20 يوم هنا، فعايز أخرج من هنا ضروري”.

وكانت الفنانة المصرية قد دخلت المستشفى للعلاج من الإدمان حسبما أعلن شقيقها محمد عبد الوهاب في مداخلة هاتفية مع الإعلامي عمرو أديب.

ونفي زوجها السابق، حسام حبيب، أي علاقة بتعاطي “شيرين” المخدرات لافتًا إلى أنها كانت تتعاطاه قبل زواجهما، وبعد ارتباطهما أقلعت عنه.

🛑 حصل ET بالعربي على تسجيل صوتي من #شيرين_عبدالوهاب تؤكد فيه أنها أصبحت بصحة جيدة بعد مرور 20 يومًا على تلقيها للعلاج في المستشفى.
وأرسلت شيرين التسجيل الصوتي لمحاميها ياسر قنطوش تطلب منه التدخل لإخراجها من المستشفى: “من فضلك تعمل أي حاجة لأني عاوزة أخرج من المستشفى”. pic.twitter.com/siHvVSgK0M

— ET بالعربي (@ETbilArabi) November 2, 2022

أقرأ أيضاً

كيف علقت الفنانة ندى بسيوني على أداء كريم فؤاد لاعب النادي الأهلي؟

وجهت الفنانة المعتزلة والإعلامية ميار الببلاوي رسالة للفنانة شيرين عبد الوهاب عبر مقطع فيديو نشرته على صفحتها الخاصة بموقع التواصل الاجتماعي “فيس بوك”.

وقالت “الببلاوي” في مقطع الفيديو: ” الفيديو ده أنا كنت عايزه أعمله عندي في الحلقة، بس بصراحة قولت لأ، بلاش، خليني أعمله على صفحتي، لإني بقدم برنامج ديني له طبيعة خاصة، وبصراحة خايفة الشخصية اللي أعمله عنها تزعل، لكن أنا بتكلم عنها بحب”.

وتابعت: “أنا بصراحة شفت الفنانة الكبيرة والنجمة شيرين ، وهي طالعة بتتكرم في تكريم ما، شفت الدريس اللي هي لابساه، الوزن اللي وصلتله، شعرها، أنا مش عارفه في إيه، شيرين فوقي يا ماما، فوقي لنفسي، فوقي لولادك، الدنيا مبتقفش على أي راجل في العالم، اسأليني أنا، كلنا تصدمنا وكلنا تطلقنا، وكلنا كان عندنا مسؤلية وكلنا حبينا”.

ميار الببلاوي توجه رسالة للفنانة شيرين عبد الوهاب

واستكملت ميار الببلاوي: “وكلنا تسبنا، لكن يا حبيبي  إنت مش ملك نفسك إنت ملك جمهورك بالفن اللي بتقدميه، وقبل ما تكون ملك لجمهورك، إنت مثل أعلى لبناتك، بنتك اللي شايفاكي منهارة بالطريقة دي، وإنك أنت عايزة تبعتي رسالة إيه، أنا خايفة عليكي؟، عايزة تبعتيله رسالة إنت تدمرتي، مينفعش والله، إنت تبعتيله رسالة إنت تدمرتي”.

ميار الببلاوي توجه رسالة للفنانة شيرين عبد الوهاب

وواصلت الفنانة المعتزلة والإعلامية رسالتها: “يعني أو إنت من بعده زهدتي في العالم وزهدتي في الدنيا، أنا المفروض كلامي يكون له سمت ديني، بس أنا تعرضت لنفس المواقف بتاعتك، وكان عندي ولد، تعرضت لموقف إني أنا تطلقت، وكنت متعلقة بالشخص اللي أنا تطلقت منه، لكن الدنيا مشيت وتجوزت بدل المرة أكتر من مرة، ومفرقش معايا، عارفة أن العلاقة كانت حلوة، وعلاقتكم كانت حلوة، لكن قومي وفوقي، أنا تخطيت لما شفتك وإنت طالعة بالوزن ده، شيرين أرجوكي، بناتك كده هيتعقدوا، يا إما هيحصلهم حاجة من الاتنين، أما هيجيلهم واحد يبقوا عبيد تحت رجلين الراجل اللي هم هيتجوزه عشان ميشوفوش الوجع اللي هو شايفينك فيه، يا إما مش  هيدخلوا  في أي علاقة، لأن هم بنات هيربوا أجيال، إحنا مستنين شيرين اللي بنحبها، شيرين اللي بتفرز فن، الجدعة المصرية الأصلية اللي بتاخد الخبطة وتقف تاني بمية راجل، أنا معرفش ليه حبيت أقولك كده، يمكن أنا حاسه بوجعك قوي، لكن الدنيا مبتقفش على أي حد، وبصتك في بناتك بالدنيا”.

• لمشاهد الفيديو اضغط هنا: الرابط

  اقرأ أيضًا:

• 34 تصريحا لشيرين عن تعرضها للعنف والإيذاء الجسدي من حسام حبيب: للتفاصيل اضغط هنا

أوضحت الفنانة شيرين عبد الوهاب عما تعرضت له أثناء زواجها من الفنان حسام حبيب، وذلك في مداخلتها الهاتفية لبرنامج “كلمة أخيرة” مع الإعلامية لميس الحديدي على فضائية “أون”.

شيرين عبد الوهاب

وقالت الفنانة شيرين عبد الوهاب: “اتهمني إني تخنت وبقيت شبه أمي، وقالي أنا عاوز واحدة اتباهى بيها قدام الناس تبقى حلوة ورفيعة ومش عارف إيه، ده غير الخناقات اللي كان فيها ضرب وسحل على الأرض وشتيمة عمري ما إنسانة تقبلها على نفسها”.

وتابعت: “رجعت تاني نقولنا ندي فرصة تاني بس بشروط يكون فيه بيت تاني غير بيت، بيت الزوجية وإن بيناتي مش هيتعرضوا لأي مشاكل نفسية، وحياتنا تبقى لوحدنا ونشتغل، أنا عندي البيت كبير، وحسام قبل ما نتزوج كان قاعد عندي في البيت كان بيزورنا كتير، وأنا عندي تحت استديو اللي بنخلص فيه شغلنا، فهو كان بيتردد على البيت عشان إحنا عندنا شغل، وكنت بحاول أؤهل البنات إن هو خلاص ممشيش من حياتنا، إن هو لسه موجود وبيخلي باله مننا لحد ما بدأت تاني الوعود تختفي وتتلاشى”.

تصريحات شيرين عبد الوهاب

شيرين عبد الوهاب

واستكملت: “المشاكل رجعت تاني من غير سبب، أنا عندي مشكلة في شخصيتي، عندي حد لو وصلتله أنا ممكن أذي نفسي مش أذي حد تاني، وتقدروا تسألوا الدكتور بتاعي، ونصحه أن في اللحظة دي إن يتعزل ويسبني ربع ساعة يا هي تدخل الأوضة تقفل على نفسها وتسيبها لحد ما تهدى، فكان كل خناقة تحصل يفضل قدامي ويحرق في دمي لحد ما أمسك المكنة وأحلق شعري ويشتمني”.

وأضافت: “هو أنا فوق أنا كنت فوق أوي والحمد ما زلت، ومعرفش يطلعلي وهو حاول ينزلني ليه تحت، أنا اللي شايفاه ده تحليلي للي حصل”.

اقرأ أيضاً

34 تصريحا للفنانة شيرين عبد الوهاب تكشف عن تعرضها للعنف الجسدي والمعنوي من حسام حبيب

كشفت الفنانة شيرين عبد الوهاب عن حقيقة علاقتها مع الفنان حسام حبيب، وما دار بينهما خلال الفترات السابقة، وعن تعرضها للتعنيف الجسدي والمعنوي خلال علاقة زواجهما وما تلاها من خلافات وأزمات تابعتها وسائل الإعلام عن قرب، إليكم أبرز ما جاء في تصريحات شيرين عبد الوهاب في مداخلتها ببرنامج “كلمة أخيرة” على شاشة قناة “أون”:

34 تصريح للفنانة شيرين عبد الوهاب تكشف عن تعرضها للعنف الجسدي والمعنوي من حسام حبيب 

1- إطلاق لقب صوت مصر عليا حاجة كبيرة.

2- أنا أسفة إني بتكلم في موضوعي والبلد فيها مشاكل أكبر بكتير، وحاسة إن موضوعي بوخ.

3- بستغفر ربنا لأني كذبت في حاجات كتير أوي لإني بنت أصول، عشان أرفع صورة إنسان يمكن يتجوز ويغور ويبعد عني.

4- كنت قاعدة في أمان الله مع عيالي اللي شايفين الويل، وسافرنا الساحل.

5- كنت محبوسة في أوضة نومي 24 ساعة في اليوم.. وعايشة مع زوج مبيشتغلش.

شيرين عبد الوهاب

6- كنت فاكرة إني بحاول على بيتي.. بس مكانش بيت، كان مصيدة فيران.

7- جاني بلاغ بسرقة سيارتي كانت مكتوبة باسم حسام حبيب.

8- الناس فاهمة كويس إني كنت بكدبة عليهم، وكنت عايشة مع راجل مش بيشتغل وكل همه حب الامتلاك.

9- أنا خدامة الراجل اللي أعيش معاه، وده مش عيب.. لكن لقيت نفسي من بعد الكورونا بتدمر.

تصريحات الفنانة شيرين عبد الوهاب

10- حسام حبيب خسرني أمي وأصحابي والسواق بتاعي، وشايف كل الناس متآمرة عليه، فصدقته ولكن الحقيقة مش كدة، ولازم يتعالج نفسيا.

11- اتطلقنا طلاق بائن لما قصيت شعري، وبعد ما هديت حسيت إنه أنا مش قادرة أستغنى عنه وبحبه وليه مديلوش فرصة تانية!

12- كنت بحب حسام حبيب، وعملت أستوديو لشغلي وشغله، واشتريت له كل الأغاني اللي عجبته.

13- حسام حبيب قالي إني تخنت وبقيت شبه أمي وهو عايز واحدة يتباهى بيها قدام الناس.

14- حسام حبيب ضربني وسحلني على الأرض وهو اللي حلقلي شعري.

15- حسام حبيب كرهني في بناتي، معندوش شغل وكان فاضيلي.

16- غنيت وأنا قرعة عشان بناتي ميتعقدوش، وحسستهم إن ده نيولوك.

17- قالوا إن حسام حبيب كتف شيرين وحلق لها شعرها.. وبالفعل هو اللي حلقلي شعري.

18- كنا في الفورسيزون وزعلانة منه، وجالي صالحني، واتخانقنا، وكان عايز ينزلني بقميص النوم عشان نتطلق.

19- شوفت أيام سودة مع حسام حبيب.. وبعد الطلاق ومحاولة الرجوع فتحنا شركة هو رئيس مجلس إدارتها.

20- كنت بدي أهل حسام حبيب شيكات، ومصاريف والدته، والشقة اللي قاعدين فيها دلوقتي أنا دافعة فلوسها لغاية آخر السنة، هو مخدش فلوس في إيده، بس أنا كنت بدي حقه وفلوسه لأمه.

21- حبيته عقربة.. أنا في حياتي متأذتش من إنسان كدة.. إنسان قلبه أسود ويغتاب كل الناس.

22- أنا كنت زي البدر، ولما اتجوزته بقيت زي حسن أبوالسعود.

23- حسام حبيب كان بيمثل عليا، وأنا طلعت بنت أصول.

24- أنا بحب أعمل الخير، وأبو حسام حبيب هو المتحدث الرسمي باسم العلاقة دي.

25- خرجت من علاقتي مع حسام حبيب بالوكسة والندم، وعملتله محضر بعدم التعدي.

26- حسام حبيب استغل وجودي في الساحل وسرق عربيتي.

27- أنا اتهنت أوي وهاخد حقي.

28- موضوع حسام حبيب اتقفل، وأتجوز الفيل أبو زلومة ومتجوزوش.

29- ساتخذ الإجراءات القانونية ضد حسام حبيب لأنه سرق عربيتي

30- أنا غلطانة، وحقكم عليا.

31- حسام حبيب عطاني هدية في إيدي “رصاصة”

32- أنا ست قوية، واتظلمت.. وظلمت نفسي.

33- حسام مريض نفسي ولازم يتعالج.

34- أنا عاوزة حقي من حسام حبيب

اقرأ أيضاً

مها الجمل تكتب أسرار عن الذكاء الاصطناعي في الوطن العربي

راج خبر عودة الفنانة شيرين عبد الوهاب لزوجها السابق حسام حبيب، بعد انفصالهما منذ شهور.

وتردد الخبر عن طريق منظم الحفلات يوسف دندش، اليوم.

وأكد على عودتهما منذ أيام، إذ كان يحاول التواصل مع الفنانة المصرية، ففوجئ بأن حسام حبيب هو الذي يرد على المكالمة الهاتفية.

لم يكن منظم الحفلات هو الوحيد الذي أكد عودة الفنانين بعد انفصالهما، إذ أكدت الإعلامية المصرية بسمة وهبة على الخبر من خلال صفحتها الخاصة بموقع الصور “انستجرام”.

شيرين عبد الوهاب ترد على خبر عودتها للفنان حسام حبيب

أصدرت الفنانة شيرين عبد الوهاب عبر صفحتها الخاصة بموقع “تويتر” بيانا تحسم فيه رواج خبر عودتها لزوجها حسام حبيب.

نفت “عبد الوهاب” الخبر المنشور، وطالبت بعدم التدخل في شأن حياتها الشخصية الخاصة.

ولفتت إلى أنها ستتخذ الإجراءات القانونية التي تحمي حياتها الخاصة.

وأكدت على أنها هي الشخص الوحيد الذي يمكنه الإدلاء بمعلومات تخص حياتها الزوجية.

وطالبت جمهورها بعدم الالتفات لهذه الشائعات، خاصة وأنها تجهز لإطلاق عدة أغاني جديدة لها خلال الأيام القادمة.

بيان:
تؤكدالفنانة شيرين عدم صحة الأخبار المتداولة في شأن حياتها الشخصية،وأنها تحمل من يروج لها وينشرها المسئولية القانونية الكاملة،فهي وحدها من تملك الاعلان عن أي خير يخص حياتها الزوجية، وتهيب بجمهورها العزيز عليها الالتفات عن هذا كله حيث همها الحالي هو اسعاده بالجديد من الأغاني.

— Sherine Abdel-Wahab (@sherine) February 9, 2022

انفصال شيرين عبد الوهاب وحسام حبيب

انفصلت الفنانة المصرية “شيرين” عن زوجها الفنان حسام حبيب منذ شهر ديسمبر الماضي 2022، بعد جدل واسع وكبير.

استمرت علاقة الزواج بين الفنانين لمدة أربعة سنوات.

وأكدت الفنانة المصرية في أحاديث إعلامية، أنها لا تزال تحب حسام حبيب عاطفيًا، لكن ذلك ليس له أي علاقة بشأن عودتهما مرة أخرى، لأن ذلك حسب تعبيرها يتطلب “معجزة” كبيرة.

ووصف زواجهما بأنه كان خاطئًا منذ البداية، بسبب فارق السن بينهما، إذ كان يكبرها بسنة واحدة فقط، وهي ترى أنه لابد أن يكون 5 سنوات.

وظهرت “عبد الوهاب” بعد الانفصال، بعد أن قصت شعرها كاملًا، وهو ما أثار نقاشا واسعًا حول مسألة الألم النفسي وتخلص المرأة من شعرها، بجانب مسألة تقبل هذه التصرفات خاصة من المرأة، وهي صرحت وقتها “هتقبلوني كده، وأنا فقت، وبقيت سينجل”.

وأكدت على أن إقدامها على قص شعرها كاملًا، هو معاقبة نفسها على ما بدر منها في حق نفسها، وطالبت الجمهور بمساندتها بعيدًا عن انتقادها خاصة في ظل ما تمر به من ظروف نفسية صعبة وقاسية.