ظهر الفنان هشام سليم قبل رحيله بعام في برنامج “أنا وبنتي” الذي أذيع على شاشة قناة “أون”، وأكد أنه لا توجد أي مشكلة بينه وبين جمهور النادي الأهلي.
كواليس أزمة الفنان هشام سليم ومحمود الخطيب
وقال الفنان الذي رحل عن عالمنا اليوم عن عمر يناهز 64 عاما: “مش زعلان من جمهور النادي الأهلي، ومش ممكن أزعل منهم، لأن الجمهور هو النادي الأهلي، ولا أزعل منهم خالص، وسبب الفجوة اللي حصلت أن أنا قولت رأيي اللي قالوا أبويا بصراحة”.
وتابع: “وبعيد فين ناس بتتدفع عشان تشتمني، ومشكلتي مع إدارة النادي الأهلي، وأنا قولت رأيي أبويا في رئيس مجلس إدارة النادي الأهلي، وأنا اعتراضي على كابتن محمود الخطيب، وأظن الأيام وضحت صحة كلامي فيه”.
وأضاف: ” ومكانش عنده خبرة كفاية ومكانش مسك حاجة ونجح فيها، والخطيب طلع وقال في برامج أن أنا شربت من الكابتن صالح سليم، أنا عارف كل حاجة، ومكانش يعمل حاجة من غير ما يقولي إيه رأيك يا خطيب؟، وفي نفس القعدة قال ده حتى لما رحنا جنوب إفريقيا في طيارة لمدة 14 ساعة رايح جاي، قالي يا خطيب جيب الحاجة اللي عندك بخصوص النادي عشان نتكلم فيها في الطيارة، أنا لما سعت الكلام ده سألت نفسي سؤال، إزاي يسأله على كل حاجة بتحصل في النادي الأهلي؟، وإزاي يقوله في نفس الوقت جيب الحاجة اللي عندك عشان نتكلم فيها، هل ده كلام واضح؟”.
كواليس أزمة الفنان هشام سليم ومحمود الخطيب
واستكمل: “أنا مش عارف كل الأحداث اللي حصلت كلها، لكن أنا تقالي من الكابتن صالح سليم، إن فلان ده غير واضح، الناس قالت لي، أن مع فلان ضد فلان، ليه؟، عشان قولت رأي أبويا في حد، ولا أنا عايز حاجة في النادي الأهلي، ولا بروح النادي الأهلي، مش عايز أبقى حاجة في الإدارة، لإن أنا شايف إن والدي مكانش هيبقى مبسوط من اللي حصل”.
يذكر أن النادي الأهلي، اليوم، نعى الفنان هشام سليم، وقدم التعازي لعائلته وأسرته، وكلف رئيس مجلس الإدارة، محمود الخطيب، حضور أحد أعضاء مجلس الإدارة تشييع الجثمان، وذلك لسبب ظروف صحية وتواجده خارج مصر. وذلك حسب بيان “النادي الأهلي”.
اقرأ أيضاً
انهيار “نور” نجل الفنان هشام سليم (صور)
