لم يحمل الفنان هشام سليم الذي رحل عن عالمنا اليوم، عن عمر يناهز 64 عاما، بعد صراع مع مرض سرطان الرئة.
لماذا رفض الفنان هشام سليم كارينه عضوية النادي الأهلي؟
وقال هشام سليم أثناء ظهوره في برنامج “معكم منى الشاذلي”: ” أخيرا، الأستاذ محمود طاهر كلمني وقالي إحنا جاهزين بالكارنيهات، قولتله يا محمود أنا عمري ما رحت النادي الأهلي من صغري، ولا عاوز كارنيه النادي الأهلي، أنا كل اللي بتكلم عليه المبدأ بتاع الفكرة، أني يجي حد يكون قايله أعملولهم كارنيهات ويفضل طول الفترة دي ميعبرناش، إنما أنا هروح الأهلي أعمل إيه دلوقتي، أنا معرفش فيه حد هناك، بشكركم وأشكر كل مجلس الإدارة، أنا مش محتاج الكارنيه، ممكن حد تاني ياخده”.
وأضاف: “معملناش كارنيهات، لأن كنا بنروح نادي الجزيرة أقرب لنا من البيت، وبنروح مشي ونرجع مشي مع الدادة، وكبرنا هناك وترعرعنا هناك، وبعدين هناك فيه خناقات ومشاكل، هو نفسه قالنا لو جيتوا النادي الأهلي وعملتوا اللي بتعملوه في نادي الزمالك أنا أدبحكوا”.
وأضاف: “حبي للنادي الأهلي الكارنيه مش اللي هيزوده ولا ينقصه، أنا قولتلهم كان المفروض أبقى رئيس مجلس إدارة النادي الأهلي من أيام والدي، يمكن كانوا خايفين من دي، وبعدين مكانش ينفع أكون أنا، خالد أكبر مني”.
الفنان هشام سليم
يذكر أن الفنان هشام سليم شيعت جنازته اليوم من مسجد الشرطة بمدينة الشيخ زايد، وسط حضور عدد كبير من الفنانين.
ورحل “سليم” تاركا وراءه إرثا فنيا كبيرا، حيث شارك في أفلام سينمائية وأعمال درامية جماهيرية وضعته في مصاف النجوم من بينها، فيلم “عودة الابن الضال” إخراج يوسف شاهين، و فيلم “الأراجوز” إخراج هاني لاشين، ومسلسل “ليالي الحلمية”.
