صرح الفنان عمرو مصطفى أن “ويجز” هو أنجح المغنين هذا العام.
وقال أثناء استضافته عبر برنامج “حبر سري”: “السنادي ويجز، هو أنجح واحد السنادي، ولا سمعتها، السوشيال ميديا، الناس بتحبها والناس بتتكلم عنها، أنا مش عايز اتكلم عن حد من القديم ده خالص، تكلمنا عن أحمد سعد، متكلمنيش عن أي حد أنا عملتله شغل لإني مش عايز افتكرهم أصلا”.
عمرو مصطفى: “ويجز أنجح واحد السنادي”
عمرو مصطفى
وأشار الفنان عمرو مصطفى، إلى بعض الأغنيات التي حققت نجاحًا خلال هذا العام، “الغزال رايقة”، و “البخت”، عليكي عيون” ، واستنكر في حديثه: “3 أغاني في السنة، عندنا 100 مليون مواطن، فرحانين بـ3 أغاني، مدتهم الإفتراضية اقد إيه، هيعشوا أقد إيه، النجاح اللي بيستمر مش النجاح الوقتي بتاع الأسبوع، صح ولا غلط، بيستمر طول العمر، خليك فاكرني دلوقتي عايشة ولا لأ؟، الزمن عمره ما بيتغير، لغاية دلوقتي بتيجي كول تون، لو عايز تنزل كول تون خليك فاكرني نزلها، لغاية انهارده، بتيجي عارفه أحلى حاجة فيكي إيه، كولتون، لحد انهارده في الحفلات بتكسر الدنيا”.
وتابع: “دلوقتي أنا هابقى مطرب، مليش علاقة بالمطربين ولا المؤلفين ولا الملحنين، ومليش علاقة بالناس دي خالص، اللي ينجح ينجح، واللي يفشل يفشل، أنا قررت إني خلاص مليش علاقة بالنوع ده من الأحقاد، يكسروا الدنيا، زي الفل”.
عمرو مصطفى تريند
وتصدر الفنان عمرو مصطفى تريند مواقع التواصل الإجتماعي، طوال شهر رمضان بسبب جملته الشهيرة “في رمضان”.
بالعودة لحلقة عمرو مصطفى مع الإبراشي، كان يعلّق على مشهد للفنانة عبير صبري في مسلسل “السيدة الأولى” عام 2014″.
وانتشر تعليق عمرو مصطفى “في رمضان” خلال الفترة الماضية على السوشيال ميديا، وتم استخدامه كـ”كوميكس” من قِبل الكثيرين للتعليق على العديد من المواقف الطريفة في شهر رمضان.
اقرأ أيضاً
