صرح الفنان أحمد فرحات المعروف بـ “أشهر طفل في السينما المصرية”، بأنه على استعداد للمشاركة في الأعمال الفنية بدون مقابل، وذلك أثناء استضافته في برنامج “الستات” على فضائية “النهار”.
الفنان أحمد فرحات
قال: “أنا كنت بمثل وأنا طفل صغير في مسرح المدرسة، اتخطفت على السينما، وهم خطفوني من فيلم لفيلم، وعمري ما أعرف أخبط على حد، أنا ممكن أرجع لو خبطت على شركات الإنتاج العظيمة دي اللي عامله شغل جميل في مصر دلوتقي، بس أنا إحساسي بنفسي، واحد واخد قلادة الدولة التقديرية مش وسام الدولة ولا بتاع، ده قلادة الدولة، وبعدين الحمد معايا سيدة فاضلة معندهاش تطلعات طبقية، فبمسوط جدا وسعيد جدا”.
وأضاف: “وأناراجع حبا في التمثيل والهواية، وعندي استعداد اشتغل ببلاش، إحنا بنعمل إيه؟، إحنا شوية هواه كده مع بعض، أنا بتكلم عن نفسي طبعا، بنعمل أفلام سهرات تلفزيونية، ومعانا المخرج الجميل سامي صالح، شويه كده مع بعض، وبنذيعها في القنوات الفضائية اللي غلبانة، وبنستمتع بنفسنا بس، لكن رجع التمثيل مش في دماغي، مش مش عايز، لأ عايز طبعا، مستعد المنتجين كلهم أهو اشتغل ببلاش”.
يذكر أن فيلم “نص يوم” 2021 آخر عمل سينمائي شارك فيه الفنان أحمد فرحات، إخراج حسن السيد، تأليف عبد الرحمن عثمان المرشد، بطولة الفنانين، أحمد عزمي وعلاء زينهم وعبد الله مشرف وأشرف المهندس وأحمد منير وإيناس النجار، وغيرهم.
اقرأ أيضاً
رمضان 2023.. روبي تخوص بطولة مسلسل “حضرة العمدة” لإبراهيم عيسى (رسميا)
