ظهر محمد عطية الذي اشتهر بمشاركته في برنامج ستار أكاديمي في إحدى حلقات برنامج “شو القصة”، وطرح أفكاره المتعلقة بالزواج والعلاقات الإنسانية وتطرق لحادث قتل نيرة أشرف، بالإضافة لتعرضه لأوضاع المرأة في الشرق الأوسط..
ونستعرض أبرز تصريحات محمد عطية التي أدلى بها في اللقاء التلفزيوني:
محمد عطية ضحية المجتمع الشرقي
– القانون بيجرم حاجات الدين بيعتبرها حلال
– الصح والغلط غير الحلال والحرام
– في موجة في مصر مضايقاني هي الممثليين الذين يرفضوا أداء القبل والمشاهد الجريئة
– كل فنان حر في قناعاته ومعتقداته، وفي ممثلين بيدعوا عكس قناعاتهم: “أنا أعرف ممثلين بيعملوا كل حاجة وبيدعوا عكس ده، والعرب بيشاهدوا الإباحية”.
– السوشيال ميديا بتأصل ادعاء الفضيلة: “نسبة كبيرة من الشباب بيمارسوا الجنس وبيشوفوا أفلام إباحية، ويطلع يقولك لأ، ده غلط، وكل حاجة نسبية حتى المعاصي، وجوا الدين نفسه، فيه 4 مذاهب”.
– أنا كنت ضحية المجتمع، وكنت شخص شرقي جدًا، وذكوري جدًا:” كنت شخص بتدخل في حياة اللي مرتبط بيها، في كل حاجة، بتكلمي مين؟، بتعملي إيه؟، متنزليش المياه بالمايوه، وده متعب، وتغيرت، وليه يعني يبقى أنا من حقي وهي مش من حقها؟، وليس بنقول مسيمات للحاجات الغلط، أنا ممكن يكون معايا كل الباسورد بتاعتها، وتخوني عادي”.
محمد عطية يرفض تعدد الزواج
– “أنا بشفق على الستات في الشرق الأوسط، أنت بتكلمي مين، البواب بيتابعها، لابسه إيه؟ وبتعملي إيه؟، ليه في المجتمع الشرقي شاغلين نفسنا بحاجتين، الجنس والمرأة، نفسي تسيبوا المرأة في حالها”.
– “برتراند رسل، فيلسوف إنجليزي، هو اللي غير حياتي، وممكن اللي أقوله دلوقتي أغيره السنة الجاية، وعمري ما قعدت مع شخص وحاولت أقنعه بحياتي”
– “الشك والمجهول من الحاجات المهمة لأي بشر، والمجهول بيخليني في حالة تأهب دائم”.
– أنا درست في الأزهر، ودرست الإسلام 16 سنة، وده خلاني قوي جدًا، ومش بقبل تعدد الزواج، واللي عاوز يعمله، القتل باسم الدين برفضه.
– أنا مش ضد الزواج، لكن الزواج عرف بشري اخترعوه بسبب الزراعة، أنا دلوقتي بحب إنسانة، ليه ندخل مجتمع بينا؟”.
محمد عطية ستار أكاديمي يفضل المساكنة قبل الزواج
– “ممكن أتجوز لكن بعد ما نتواصل ونعرف إن إحنا ممكن نعيش مع بعض، وأعتقد المساكنة أنسب لكل الأطراف، لإن العلاقة الجنسية مهمة جدًا في أي علاقة، أغلب حالات الطلاق اللي بتحصل بسب إن مفيش توافق في العلاقة الجنسية”.
– “حبيب جدًا، حبيت كتيرًا جدًا، معرفش العدد”.
– “في جوانب من شخصياتي مظهرتهش إلا لما السوشيال ميديا ظهرت، وأنا من صغري بقرأ، والدي كان ديما بياخدنا معرض الكتاب”.
– “كان عندي كلب سميته ميسي، من كتر ما أنا بحب ميسي، وكنت منبهر جدًا بكريستيانو رونالدو، مخلي حياته كلها للرياضية”.
– “ونزلت لنسبة دهون 4% وأنا كنت بصور مسلسل “روح”، وما أخدتش بالي، وده خطر جدًا على الجسم البشري، الدكتورة قالي وقف تمرين وكل شوية “.
– “بهرب من العلاقات العاطفية دلوقتي، أول ما أدخل في بداية علاقة بهرب، ومبسوط دلوقتي أكتر وأنا لوحدي”.
– “أكتر خايف منها إني أخلف بنت في هذا المجتمع، هلعمها المبادئ الإنسانية”.
محمد عطية ينتقد المتعاطفين مع قاتل نيرة أشرف
– “عمري ما تحرشت ببنت، بيتحرشوا بينا على الإنستجرام ومبردش”.
– “دي أقذر حاجة شفتها في حياتي، تخضيت لما عرفت إن في ناس في مجتمعنا متعاطفين مع قاتل نيرة، وده بيبن أقد إيه إن في خلل في المجتمع الشرقي، يعني تقتلت ولسه نبص على عذريتها ولبست إيه؟”
– “المجتمع الشرقي بيحقد جدا على أي واحد متحررة، أو مثقفة، بيحقدو جدًا، وفيه إزدواجية كبيرة جدًا”.
– “إعلان فكرة إن نيرة أشرف، إن هي عذراء ولا لأ، حاجة المفروض المسئولين يحاسبوا المسئول عنها”.
– “أنا ضد الإعدام، والمفروض اللي يقتل يقضي باقي حياته في السجن”.
– “في حاجات كتيرة منعرفاش بين حسام وشيرين، وصعب جدا تكون الست في المجتمع دي ظالمة”.
اقرأ أيضًا:
- طبيب شيرين عبد الوهاب يكشف حقيقة علاجها من الإدمان.. للقراءة اضغط هنا
- أزمات في حياة كاظم الساهر.. للقراءة اضغط هنا
