نفت الفنانة وفاء مكي شائعة ثرائها الكبير التي ترددت خلال السنوات الماضية، وأكدت أن أعلى أجر حصلت عليها في حياتها وصل لـ 5 آلاف جنيه، وذلك أثناء ظهورها على شاشة “إم بي سي مصر”.

وفاء مكي

قالت: “جه عليا وقت كنت باخد أعلى أجر، وكان 5 آلاف جنيه، وكنت ببيع أعلى نسبة للمجلات، لما تنزل مجلات السينما والناس، والمجالس والموعد، وكنت ببيع أعلى نسبة توزيع، وجه عليا أوقت أعلى أجر آخدته كان 5 آلاف جنيه، ومكانش كتير ولا حاجة”.

وأضافت: “وأخدت في الراية البيضا 700 جنيه، ومكانش فيه أجور عالية زي دلوقتي، الملايين اللي بتتاخد، والحال مستور، وابني أهله بيصرفوا عليه، ومعنديش ثروة من التسعينات، واللي الإشاعة من التسعينات يقولي طلعها منين”.

وتابعت: “كنت بشتغل وكل أسافر تركيا ولندن، وبجيب لبس، وبيجي عليا وقت أعمل عملين في وقت واحد، وكنت بشتري لبس الشخصية من جيبي، والأجر مكانش جامد، بس كنت حابه اللي بعمله، وبعشقه وكنت فاضياله”.

كان آخر الأعمال الفنية التي شاركت فيها الفنانة وفاء مكي مسلسل “الكابوس” عام 2015.

اقرأ أيضاً

“كنت بموت في المستشفى” وفاء مكي تكشف زيادة وزنها ومعاناتها من “كورونا”

أكدت الفنانة وفاء مكي أنها عانت من الإصابة بفيروس كورونا عدة مرات خلال الفترات الماضية، وذلك أثناء استضافتها في برنامج “كلام الناس” على شاشة فضائية “إم بي سي مصر”.

وفاء مكي

قالت: “أنا تخنت شوية لسبب، أنا جالي كورونا، مش سايباني، يخرب بيت كورونا دي والله، جاتلي الأيام اللي فاتت، طول عمري بعاني من السكر الواطي، بقيت آخد إنسولين، وأخد كورتيزول، الكورتيزول يرفع لي السكر وأضرب على دماغي، اتنفخت، وعلشان أرجع للوزن العادي، صعب للغاية”.

وأضافت: “وبقيت أتعامل معاها دلوقتي، كدور برد، عرفت هاخد إيه؟، وأعالج نفسي بنفسي، معنديش آخد بنفسي كمية الكورتيزول دي، وأنا عضمي عريض، من تحت مش مليانة زي من فوق، كنت أنا وليلى علوي وإلهام شاهين اللي بعشقها وهالة صدقي، مش كنا التخن الكبير، هي الكاميرا بس كانت بتخن شوية، وخسيت شوية في بعض المسلسلات، الناس كانت بتقولي أنت عيانة؟، خسيتي كده ليه؟، والناس هي المراية، هي حابة تشوفني في الاستايل ده، كل واحد له نظام معين، هم شايفني أبقى مليانة حلوة”.

اقرأ أيضاً

“تبهدل في الآخر” وفاء مكي تكشف سر بكاؤها على هشام سليم (فيديو)