كمال أبو رية كشف سر احتفاظه الدائم بالسبحة في السنوات الأخيرة.

قال “أبورية أثناء استضافته في برنامج “كلام الناس” على شاشة “إم بي سي مصر”: “في الفترة الأخيرة حست إن كبرنا، والذكر حلو، أن إحنا ديما نفتكر ربنا ونشكره ونسبحه وندعي أن يعفو عنا ويغفر كل أخطائنا ويحافظ على أولادنا، وده شيء مهم، وكل مرحلة ليها ظروفها، كبرنا يعني وربنا يسترنا”.

كمال أبو رية يكشف لأول مرة سر احتفاظه الدائم بالـ “سبحة”

يذكر أن كمال أبو رية شارك في مسلسل “الحلم” عام 2022، وهي آخر أعماله الدرامية.

مسلسل “الحلم” إخراج حسني صالح، تأليف محمد رجاء، بطولة الفنانين، محمد رياض وصابرين وأنوشكا ورانيا فريد شوقي وسميرة عبد العزيز، وصلاح عبد الله، وغيرهم.

وتدور المسلسل حول حكاية سيدة تكافح مع زوجها في الحياة، ويتناول العمل سيرة عدد من المواطنين الذين انتقلوا للحياة في حي الأسمرات وكيف تغيرت حياتهم بعد انتقالهم إلى هناك.

أكدت الفنانة وفاء مكي أنها عانت من الإصابة بفيروس كورونا عدة مرات خلال الفترات الماضية، وذلك أثناء استضافتها في برنامج “كلام الناس” على شاشة فضائية “إم بي سي مصر”.

وفاء مكي

قالت: “أنا تخنت شوية لسبب، أنا جالي كورونا، مش سايباني، يخرب بيت كورونا دي والله، جاتلي الأيام اللي فاتت، طول عمري بعاني من السكر الواطي، بقيت آخد إنسولين، وأخد كورتيزول، الكورتيزول يرفع لي السكر وأضرب على دماغي، اتنفخت، وعلشان أرجع للوزن العادي، صعب للغاية”.

وأضافت: “وبقيت أتعامل معاها دلوقتي، كدور برد، عرفت هاخد إيه؟، وأعالج نفسي بنفسي، معنديش آخد بنفسي كمية الكورتيزول دي، وأنا عضمي عريض، من تحت مش مليانة زي من فوق، كنت أنا وليلى علوي وإلهام شاهين اللي بعشقها وهالة صدقي، مش كنا التخن الكبير، هي الكاميرا بس كانت بتخن شوية، وخسيت شوية في بعض المسلسلات، الناس كانت بتقولي أنت عيانة؟، خسيتي كده ليه؟، والناس هي المراية، هي حابة تشوفني في الاستايل ده، كل واحد له نظام معين، هم شايفني أبقى مليانة حلوة”.

اقرأ أيضاً

“تبهدل في الآخر” وفاء مكي تكشف سر بكاؤها على هشام سليم (فيديو)

بكت الفنانة وفاء مكي لتأثرها بالفترة الأخيرة التي عانى فيها الفنان هشام سليم الذي رحل عن عالمنا منذ أيام، وكشفت عن علاقتهما سويا، وذلك أثناء ظهورها في برنامج “كلام الناس” على شاشة قناة “إم بي سي مصر”.

وفاء مكي

قالت “مكي”: ” عارفه قعدنا نصور الراية البيضا فترة طويلة، سافرنا مع بعض وعشنا مع بعض، ما بين القاهرة والإسكندرية والأردن، وشفت قد إيه أخلاقه جميلة، وبني آدم جميل وكويس، ومن جواه في حاله، مآذاش حد، كان عنده حاجة حلوة بيعملها، ومعندوش مبيعملهاش”.

وأضافت: ” زعلانة عشان البهدلة اللي في الآخر، حرام، ليه كده؟، يعني وصلني تعليق، شوية شوية هينزلوا معاه القبر وهو بيتحاسب، وابنه ومش ابنه، يا جماعة أحنا في إيه ولا في إيه؟، وكنت قريبة منه وعارفه أقد إيه هو إنسان وجدع، وبيعمل حاجات كتير خير وحلوة قوي، من غير ما حد يشعر بيها، صعبان عليا، ربنا يرحمه يارب”.

واستكملت: “الرحمة، الرحمة حلوة قوي، وده موت له حرمته وله هيبته، وده بس اللي حازز فيها، وصلت لمرحلة السوشيال ميديا مليش علاقة بيها خالص، بحس إنها بتضر أكتر ما بتنقع، بتنتهك حرمات الناس، بتتدخل في أدق التفاصيل ومن غير ما حد يعرف حاجة، كل ده عشان يعملوا نسبة مشاهدة، طب وليه؟، حرام، ربنا هيسألك الفلوس دي، أنت تعرف حاجة عن وفاء؟، عشان تتكلم في خصوصياتهم”.

اقرأ أيضاً

“للمرة الأولى” وفاء مكي تتحدث عن الفترة اللي قضتها داخل السجن (فيديو)

كشفت الفنانة وفاء مكي فترتها التي قضتها داخل السجن للمرة الأولى، وذلك أثناء ظهورها في برنامج “كلام الناس” على شاشة “إم بي سي مصر”.

وفاء مكي

وقالت: “الضربة اللي مش بتموت بتدي صلابة، ولكل جواد كبوة، ولازم الحياة تعلمنا عشان نقدر نقف على رجلنا، عشان نكون ناس قوية، عشان مجرد هوا يمرضونا، مش ممكن حد عايش يفضل طول الوقت مبتسم والحياة بمبي وجميلة”.

وتابعت: في ناس حاقدة، ومن أعداء النجاح، ومن جواها، مش بيحبوا الخير، ومنقدرش ندخل جواهم، والحياة مش هتفضل على وتيرة واحدة”.

وأضافت: “ومفيش حاجة في الدنيا تستاهل، أننا نهاجم حد أو نجرح حد أو نهين حد، حاجات كتيرة مش حلوة، طول ما أنا ماشية بقول ليه؟، ودلوقتي قافلة بابي عليا ومش بسمع، وأنا عندي مشكلة في حياتي إني كده، دوغري، والزمن ده دلوقتي عاوز تجميل للأمور، وأنا صريحة وواضحة زيادة عن اللزوم، وبيسموني كده، إني عاملة زي القطر، فبروح قابلة بابي عليا، وأخليني في حالي، لإن ممكن أقول حاجة أو معرفش أعبر، فبشتري دماغي وأقول أنا مالي، يعني أحيانا بكون عايزة أقول حاجة حلوة فبسكت”.

واستكملت: الناس بتقعد تشتم من غير ما يكونو عارفين حاجة، عندي ناس شغالين في البيت، وعندي، موضوع مشكلتي عدى عليه حاجة وعشرين سنة، كتير قوي، الوعي الثقافي أو التكنولوجيا اللي إحنا عايشين فيها، خلت الناس تفهمها وهي طايرة، وقبل ما تطير، وفعلا، فبقت الناس فاهمة ومدركة، وفهمت الحياة، فبقى الموضوع لا يسمن ولا يغني من جوع، واللي بيتكلم، واقعد افتكره أقول ايه التهريج ده، ومكانش فيه، وكنت بضحك، بس أقول اللي حصل ده ربما لحكمه يعلمها الله، وزي ما بيقولوا بالبلدي، اللي يجي في الشيش بقشيش”.

اقرأ أيضاً

وفاء مكي تجيب: لماذا رفضت العمل مع محمد رمضان؟ (فيديو)

رفضت وفاء مكي العمل مع الفنان محمد رمضان في أحد الأعمال الفنية، وذلك حسبما صرحت أثناء استضافتها في برنامج “كلام الناس” المذاع عبر فضائية “إم بي سي مصر”.

وفاء مكي

وقالت مكي:” كلمني مدير الإنتاج، كان شغلي كله، مطار مع صلاح عبد الله، قولتله ماشي نتكلم، أنا عملت اسم الحمد لله، دلوقتي ظروف الحياة والمادة والأمور، محتاجة فلوس، ابني محتاج يتعلم وياكل ويدرس، فلازم أعمل فلوس، فمتفقناش ماديا، فاعتذرت”.

وأضافت: “ده كان فيلم ع الزيرو، وحصل فعلا، هو كل شيء نصيب في النهاية، وهو ده اللي حصل، هنزل هشتغل، عشان تضحي بالحاجة يبقى لازم تستاهل”.

فيلم “ع الزيرو” بطولة الفنان محمد رمضان ونيللي كريم، إنتاج شركة العدل، وهو من إخراج محمد جمال العدل.

يذكر أن آخر أعمال وفاء مكي، كان مسلسل “الكابوس” عام 2015، إخراج إسلام خيري، تأليف، هالة الزغندي.

مسلسل “كابوس” بطولة، غادة عبد الرازق، وكريم محمود عبد العزيز وأحمد راتب، وكريم قاسم وأيتن عامر، ومحمد شاهين، وغيرهم من الفنانين.

اقرأ أيضاً

من هو الفنان فكري صادق الذي لاقى هجوما بعد تصريحاته عن الفنان سعيد صالح؟

حكت الفنانة نهى العمروسي عن مرورها بتجربة السجن، ولقائها بإحدى السجينات التي تم إعدامها، وذلك أثناء ظهورها في برنامج “كلام الناس” على شاشة قناة “إم بي سي مصر”.

الفنانة نهي العمروسي

وقالت نهى العمروسي: “قولت جملة في مسلسل كيد النسا، وحققت، أنا قولت لكاملة كده، وتاني يوم تقبض عليا، معرفش الأسباب إيه، القدر قالي تعالي، وتحطيت في تجربة طلعت منها بخبرات ووعي، ومتصالحة معاها جدا، وقابلت ناس عمري ما كنت هقابلها بره”.

وتابعت: “قابلت واحدة هتتعدم، حلمت لي حلم، وبعتت نادت لي، وحبينا بعض جدا جدا، هي حلمت إني أنا على بحيرة وشعري قصير، بعده صحوني، هي كان اسمها هنية، قالولي إنها عايزاني، هي كانت قمر، وكانت قاتلة جوزها، وحكيتلي الحلم، وبقيت أعدي عليها كل يوم، وبعد الإفراج، رحت عنبر الإعدام طلبت من السجانة إني أحضن هنية”.

و أضافت: “قالت لي بينا صندق كولا، وفتحت لي الزنزانة، ورحت وحضنت هنية، وأنا حلمت أحلام وتحققت وأنا في السجن”.

اقرأ أيضاً

مسلسلات رمضان 2023.. فريدة سيف النصر تنضم لمسلسل “العمدة”