تحدث الفنان هاني شاكر، نقيب المهن الموسيقية، عن الموضوعات التي أثارت جدلًا خلال الفترة الماضية، التي كانت من بينها اتهامه بمنع المطرب كاظم الساهر من الغناء في مصر، بالإضافة إلى الأسباب التي دفعته للتخلي عن كرسي النقابة بلا رجعة.

هاني شاكر 

قال هاني شاكر، أثناء ظهوره مع “Et بالعربي” عن أسباب تخليه عن مقعد نقيب الموسيقيين نهائياً: “أنا لقيت نفسي فعلًا مش قادر، القرار أنا يمكن أخدته قبل كده مرتين، لكن المرة القرار نهائي لا رجعة فيه خالص، اللي حصل في المؤتمر الصحفي أكبر حدث خلاني آخد هذا القرار بلا رجعة، يعني بعد اللي حصل ده مفيش حاجة تاني ممكن تعمل، وخرجت مشيت وكانت الخروجة الأخيرة”.

و أضاف:” متعملش حساب للنقيب اللي موجود في المؤتمر، ولا للمجلس، أنا كنت موجود إرضاًء للناس كلها، وعشان أكبر الناس كلها، لقيت وش تاني قدام الشاشات وقدام الإعلام، فأنا مش متعود على كده بصراحة، مش أخلاقي ومش طبعي ومش تربيتي، إن أتعامل مع الناس بهذا الشكل، ومع ناس كده ملهاش كبير”.

وعن الربط بينه وبين منع مطربين المهرجانات، أوضح قائلاً: “لأ، هي النقابة، مش بس مطربين مهرجانات، في ناس تانية كده، وفي ناس تانيه محتاجين وقوفنا جنبهم ودعواتنا ليهم، حاجات كتير في النقابة، النقابة مليانة مشاكل عايزة تتحل”.

و فسر ما وراء تصريحه أثناء ظهوره في برنامج “مصر الجديدة” على قناة “Ltc”: “كنت بهزر فعلًا،  أتاخدت للأسف غلط، مينفعش يبقى الجلوس على الكرسي اللي قعدت عليه أم كلثوم، سيدة الغناء العربي، وموسيقار الأجيال محمد عبد الوهاب، مينفعش يبقى غلطة وندمان عليها”.

ورد على التصريحات التي ألمحت إلى أنه أوقف كاظم الساهر عن الغناء في مصر: “دي ناس والله عبيطة و ساذجة، لو حد يقولي أقدر إزاي همنع، بس مش همنع كاظم الساهر، همنع الناس فعلًا اللي مشوهة للفن، وبعدين كاظم الساهر بقاله 12 سنة مجاش مصر، طب أنا نقيب 7 سنين، الـ 5 اللي قبل ما آجي أنا منعته إزاي؟، كاظم صديق عمري وحبيبي، وأتشرف بيه إن يغني، وأغني معاه في أي حتة، وإنه يغني في بلدي، الشعب المصري معروف إنه بيحب كاظم الساهر أقد إيه، وأنا واحد من معجبيه، ده كلام فارغ، وفعلا ضحكت لما سمعت الكلام ده والله”.

اقرأ أيضاً

“وقحة مع الأميرة ديانا وأفسدت حياة شقيقتها” ضحايا الملكة إليزابيث