قام الفنان محمد رمضان بالتعليق على أزمة الفنان بيومي فؤاد وتصريحاته ضد الفنان محمد سلام بعد اعتذار الأخير عن المشاركة في مسرحية “زواج اصطناعي” بموسم الرياض.
ونشر محمد رمضان مقطع فيديو عبر حسابه الرسمي على موقع تبادل الصور والفيديوهات “الإنستجرام” وعلق قائلا: “رسالتي لكل جمهوري العربي، رأس مال أي فنان هو الناس اللي هم حضراتكم، بنطلب من كل حبايبنا ومن كل اللي حوالينا من أمي ومن أبويا يدعوا إن ربنا يحبب فيا الناس والجمهور اللي هو حضراتكم”.
وأضاف: “شيء قاسي جدًا لما أكتر حد تبقى أنت عايز تسعده وتبسطه وتنال رضاه هو اللي يكون قاسي عليك بالكلام، كلامي عن زمايلي وأخواتي وحبايبي وأنا بتشرف بزمالتهم الاتنين محمد سلام وبيومي فؤاد لا محمد سلام غلط ولا بيومي فؤاد غلط وحتى لو فيه زلة لسان إحنا بنقول اللهم لا تؤاخذنا إن نسينا أو أخطئنا حتي لو غلطنا واحنا بنصلي ربنا بيسامحنا”.
واستكمل: “عملوا إيه الاتنين عشان نكون قاسيين سواء على سلام أو بيومي إيه اللي عملوه؟، والأخبار اللي بسمعها إن شاء الله تكون كلها إشاعات إن سلام مش هيشتغل ولا حد هيسمح بده لا إحنا كفنانين ولا الجمهور اللي هو في ضهر أي فنان بيحبه ولا إحنا مع اللي بيحصل في إنه يقفل الكومنتات عشان مايشوفوش كلام وحش، ياريت نكون أحن من كده على بعض”.
هجوم بيومي فؤاد على محمد سلام
كانت قد أثارت تصريحات الفنان بيومي فؤاد جدلًا كبيرًا وخلال الفترة الماضية على منصات مواقع التواصل الاجتماعي بعد هجومه على الفنان محمد سلام أثناء عرض مسرحية “زواج اصطناعي” بموسم الرياض والتي اعتذر الأخير عن المشاركة بها قبل ساعات تضامنًا مع الشعب الفلسطيني.
وبعد الانتهاء من العرض المسرحي ظهر الفنان بيومي فؤاد على المسرح وانتقد اعتذار “سلام” قائلا: “من حقك تعتذر عن المسرحية لكن مش من حقك تغلط في فنك”.
اقرأ المزيد:
ماجدة خير الله تهاجم بيومي فؤاد: رايح تهرج وتاخد فلوس (فيديو)مطعم بيومي فؤاد ضمن حملة المقاطعة (اعرف السبب)
