يعتبرطبق النجرسكو من الأطباق المعروفة في معظم المطابخ المصرية، وتعرف بطعمها اللذيذ المحبب لدي الجميع سواء الصغار أو الكبار، فهي تجمع بين مذاق وطعم ومختلف.

وعدد كبير من أمهات مصر يبحثون عن طريقة عمل النجرسكو على طريقة الشيف ناديه السيد، لذا يوفر موقع من العاصمة في السطور التاليةطريقة عمل النجرسكو ناديه السيد.

طريقة عمل النجرسكو ناديه السيد

– مقادير النجرسكو:

– 2 من صدور الفراخ مٌقطع قطع صغيرة.

– 3 ملاعق كبيرة زبدة.

– 4 ملاعق كبيرة زيت.

– ملح.

– فلفل أسود.

– 2 كوب مشروم.

– 450 جرام مكرونة اسباغيتي.

– 4 ملاعق كبيرة دقيق.

– 2 كوب حليب بارد.

– رشة جوزة الطيب.

– 4 أكواب كريمة.

– جبن موزاريلا.

– 1 كوب زيتون أسود بدون نوى.

– خطوات عمل النجرسكو:

– أولًا نقوم بتتبيل صدور الفراخ بمعلقة صغيرة من الفلفل الأسود فقط.

– في طاسة، نضع ملعقة من الزبدة وملعقتين من الزيت، لما الزبدة تسيح، أنزلي بقطع الدجاج وحمريها، ونضيف رشة ملح ونقلب لحد ما تحصلي على لون دهبي.

نخرج الفراخ من الزيت ونضعة في طبق جانبي.

– ننضف المشروم بفوطة أو منديل مبلول، المشروم لا يتم غسله مٌطلقاً ونقطعه شرائح صغيرة وكمان المشروم إختياري في الوصفة دى.

– على نفس الزيت اللى شوحنا فيه الدجاج، نشوح المشروم لحد ما لونه يبقى غامق، نخرج المشروم نضعه على الدجاج ونقلبهم مع بعض.

– في حلة، نسلق المكرونة الاسباغيتي في ماء مغلي ونضيف لها رشة ملح، نسلق المكرونة 3/4 سلقة ونخرجها نصفيها ونتركها على جنب.

– لعمل البشاميل، في حلة على النار، نحط ملعقتين زبدة مع ملعقتين زيت، ونضيف الدقيق ونقلب الخليط ونخليه يغلي دقيقتين.

– نضيف كوبين ونصف الكوب من الحليب البارد لخليط البشاميل، ونقلب جيداً.

– نضيف ملعقتين صغيرين من الملح، ملعقة صغيرة من الفلفل الأسود ورشة من جوزة الطيب.

– لما الخليط يغلي، نضيف له الدجاج والمشروم، ونقلبهم مع بعض جيداً، لو خليط البشاميل تقيل ممكن نضيف شوية حليب.

– نضيف الكريمة، ونضيف الجبن الموزاريلا، ونقلب كويس.

– نرفع الخليط من على النار ونضيف الزيتون ونقلب، نحضر المكرونة ونضيفها للخليط بعد تصفيتها من الماء ونقلب.

– في صينية كبيرة، نقوم بسكب خليط النجرسكو، ورش عليها كمية من الموتزاريلا، وبعد ذلك نقوم برشة القليل من الفلفل الأسود.

– ندخلها الفرن على درجة حرارة 200 لمدة 15 دقيقة، وبعدين نشغل الشواية عشان تاخد اللون الذهبي من فوق.

– وأخيرًا، قومي بتقطيع النجرسكو في أطباق وقدميه وهو ساخن.

اقرأ المزيد:

إليك الآن.. طريقة عمل الاستربس ناديه السيد