أكد الإعلامي عمرو أديب فى تصريح له عبر برنامج الحكاية المذاع على قناة أم بي سي مصر قائلاً: ميدو اللي بيدافع عن مرتضى منصور ده وطلع من كام يوم بيقولي أصل انت عندك مشكلة مع مرتضى .. أنا أتخانقت معاه بسببك يا ميدو”،، لما قالك أنا هعلقك من رجلك في الاستديو لو طلعت مع عمرو أديب، وقالي انا هقفل المحطة لو طلعت ميدو معاك في الحلقة، ، ويومها أنا خدت المسئولية على نفسي وقولت لا ميدو هيطلع معايا وهيتكلم .. طيب فاكر يا ميدو يومها مرتضى قال عليك ايه ؟
وأضاف، “فاكر يومها قال عليك إيه وبيتعمل فيك إيه.. كاشفا أنه تلقى مكالمة من ميدو بعد هذا الموقف، قائلا: “في مكالمات أنا مش بنساها.. فاكر لما كلمتني وقولت أنا هتصالح مع مرتضى ومقدرش أقعد كل شوية يشتمني، مش عايز حد يشتمني، وفضلت خناقتي مكملة مع مرتضى منصور مكملة، ربك يمهل ولا يهمل، وكل يوم بيظهر آية من آياته”.
يذكر أن ليس هذا الخلاف الأول بين مرتضي منصور وعمرو أديب، حيثٌ شن المستشار مرتضى منصور رئيس نادي الزمالك السابق، هجومًا لاذعًا على الإعلامي عمرو أديب وزوجته لميس الحديدي؛ بسبب تناول أديب أسباب تتويج الفارس الأبيض بلقب الدوري المصري الممتاز.
وقال مرتضى منصور في تصريحات تلفزيونيةسابقة: «صورة عمرو أديب متتعرضش تاني على القناة، دي قناة محترمة، أنا لو أعرف إن زيزو طالع معاه كنت حاسبته، بس زيزو كان عقده منتهي مقدرش أحاسبه».
كما قال مرتضى : «عمرو أديب غلاوي ومتزملك، وميشرفناش إنه يكون زملكاوي»، وذلك على الرغم من أن الثاني مشجع كبير للنادي الأبيض.
